إزاي تسوّق لبزنس خدمي؟
Dec 08, 2021
من أهم أهداف التسويق هو إجابة سؤال:
"ليه العميل يشتري مني ... مش من حد تاني؟"
المشاريع الخدمية أو الناس اللي بيشتغلوا عمل حر
i.e. Freelancers
مش بيكونوا قادرين يجاوبوا على السؤال ده بوضوح.
مثلا لو إنت شركة برمجة أو freelancer بيعمل
Mobile applications
ليه العميل يختارك إنت بالذات؟
هتلاقي نفسك بتقول:
"إيه المختلف في اللي أنا بقدمه يعني؟"
"عادي كل الشركات المنافسة بتعمل نفس الحاجة؟"
فبالتالي غصب عنك ممكن تخش في سكة "أنا بقدم أفضل خدمة بأحسن سعر؟"
ودي جملة مطاطة ممكن أي حد يقولها.
و مهما قولت العميل دايما بيربط السعر العالي بالجودة العالية.
فصعب جدا تقوله أنا أرخص بس بقدم جودة أعلى … محتاج ساعتها مجهود رهيب علشان تثبت الكلام ده.
طيب إيه الحل؟
من ضمن الأسرار اللي بتساعدك تظهر نقطة تميزك وتجاوب على السؤال ده بقوة هو إنك …
*** تبتكر طريقة خاصة لتنفيذ الخدمة وتسميها إسم مميز ***
فتقدر تقول أنا بصمم
Mobile Applications
بطريقة اسمها
XYZ
واللي بتتميز بـ
123
ساعتها العميل هيشوف إنك بتقدم حاجة مختلفة ماسمعش زيها في حتى قبل كدة
مثلا إحنا في
30YRS
ابتكرنا طريقة خاصة بنعمل بيها الإعلانات اسمها
The BIG Ad Formula
وعملنا فيديو كامل على الموقع بنشرح فيه الطريقة دي وإزاي بتتنفذ.
ماقولناش إحنا بنقدم خدمة إدارة الحملات الإعلانية على الفيسبوك وخلاص ... لإن كل الشركات اللي في السوق بتعمل
نفس الحاجة.
في البزنس الخدمي لازم تفكر شوية وتبتكر وتظهر الطريقة المختلفة اللي بتقدم بيها الخدمة ومزاياها … وبعد كدة تدّي الطريقة اللي انت ابتكرتها اسم خاص يميزها.
فحتى لو في الأصل الخدمة واحدة … لازم يكون عندك طريقة مختلفة في التنفيذ ليها مزايا مش موجودة عند المنافسين.
اضغط هنا لمزيد من التفاصيل عن إزاي تعمل نظام تسويق يجذب ليك عملاء جدد بشكل مستمر
