هل أقدر أعمل تسويق ناجح وأكبر البزنس بتاعي من غير إعلانات على السوشيال ميديا؟

articles Dec 15, 2021
طبعا وبالتأكيد!
 
لإن التسويق موجود والبزنس موجود من قبل السوشيال ميديا.
 
فيا ترى زمان الناس كانت بتسوق لشغلها إزاي؟!
 
الأمر كله مرتبط بإنك تلاقي طريقة تقدر توصل بيها لعميلك المستهدف وتعرفه إنك موجود وتثير عنده فضول إنه يسمع تفاصيل العرض بتاعك وتخلي عنده رغبة إنه يشتريه.
 
كل زمان وله أدواته.
 
أنا بدأت البزنس بتاعي ومكانش إعلانات الفيسبوك بالشكل اللي هي عليه انهاردة. كانت في صورة ضعيفة وبدائية جدا.
 
وقتها كنت بعتمد بشكل رئيسي على الشراكات مع أماكن أو أشخاص بيخدموا العميل بتاعي وكنت بعمل إتفاق معاهم فيه منفعة متبادلة بين الطرفين.
 
وطبعا كان في قنوات إعلانية زي الراديو والتليفزيون والمجلات والجرايد … إلخ
 
بس كانت بالنسبالي أسعارها خيالية!
 
انهاردة مع وجود السوشيال ميديا الوصول لعميلك المثالي أصبح من أسهل ما يكون … وبشكل غير مسبوق عن أي وقت مضى.
 
بمبلغ بسيط جدا تقدر توصل لآلاف من العملاء المستهدفين في خلال ساعات!
 
الإعلانات هي الطريقة المحببة ليا علشان أسرع من معدلات النمو والأرباح للبزنس بتاعي. يجي بعدها علطول الشراكات.
 
البديل للإعلانات والشراكات هو تقديم محتوى جذاب وممتع جدا يخلي الناس تنشره بكثافة.
 
صحيح الطريقة دي مجانية ولكنها محتاجة مجهود ووقت كبير جدا وصبر أكبر لغاية ما تبني قاعدة كبيرة من المتابعين.
 
باختصار اعلانات السوشيال ميديا مش غاية في حد ذاتها … هي وسيلة متطورة بتساعدك تحقق أهدافك وتكبر البزنس بتاعك بسرعة وبأقل تكلفة.
 
لكن لو عندك طريقة تانية أفضل تقدر بيها توصل لعميلك المستهدف وتعرفه إنك موجود تقدر تستخدمها بالتأكيد.
 
اضغط هنا لمزيد من التفاصيل عن إزاي تعمل نظام تسويق يجذب ليك عملاء جدد بشكل مستمر
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.