إزاي أحدد ميزانية المشروع؟

articles Feb 13, 2022
اللي بيسأل السؤال ده عادة بيكون ناوي يبدأ بداية كبيرة … علشان كدة بيفكر في الميزانية وخلافه.
 
لكن أنا دايما بنصح إنك تبدأ أصغر بداية ممكنة … بالذات لو دي أول تجربة ليك في البزنس.
 
عموما في بداية أي مشروع في ٣ بنود مهمة لازم تاخدهم في اعتبارك:
 
١. مصاريف التأسيس
 
٢. مصاريف إنتاج وتقديم المنتج/الخدمة
 
٣. مصاريف التسويق/الإعلانات
 
ولو إني بعتير الإعلانات استثمار مش مصاريف … لإنك لو عملت إعلانات ناجحة، و الجنيه اللي بتدفعه بيرجعلك اتنين أو تلاتة أو أكتر، يبقى دي ماتعتبرش تكلفة
 
الفن كله هو إزاي تبدأ بأقل تكلفة ممكنة وتلاقي بدايل فعالة ومبتكرة للي ممكن تحققه برأس مال كبير
 
زي مثلا
١. بلاش مصاريف مكتب في البداية … ابدأ في
Shared office or co-working space
أو حتى اشتغل من البيت
 
٢. اصرف بس على انتاج قطعة أو اتنين للتصوير وبعدين صنع عند الطلب … خد الأوردر وبعدين نفذ.
 
٣. تعامل مع
Freelancers
بدل ما تعين موظفين بمرتب ثابت في البداية
 
وهكذا
 
أول ما تبدأ تحقق أرباح وتطمن من مؤشرات أداء البزنس بتاعك، ابدأ اصرف اكتر واحدة واحدة في الحاجات الأساسية جدا اللي تساعدك تكبر وتحقق أرباح أكتر.
 
في البداية اوعى تصرف في الرفاهيات … أو الفشخرة الكدابة 🙂
 
ركز على كل ما يلزم علشان تظهر بشكل كويس يدي ثقة للعميل … وعلى تقديم منتج/خدمة محترمة توفي بالوعد اللي وعدته لعميلك.
 
اضغط هنا وشوف فيديو مجاني عن إزاي تكتشف شغفك وتحوله لبزنس ناجح في أقل من ٩٠ ساعة
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.