إزاي أتغلب على إحساس إني مش جاهز ولسة ناقصني كتير؟

articles Nov 02, 2021
المشكلة في الحالة دي حاجة من اتنين:
 
1️⃣ عقدة الكمال
 
إنت عاوز كل حاجة تكون مثالية ومافيهاش غلطة … وبالتالي بتتأخر كتير وبتسوف كتير وفي أغلب الأحيان مش بتعمل أي حاجة خالص.
 
أنا دايما بحذر اللي بيقع في الفخ ده وبقوله "خلي بالك … لو بتسعى للكمال فإنت مغرور جدا!!"
 
بلاقي العين برقت وفي حالة استغراب كبيرة.
 
لإن الكلمة غير متوقعة … ليه بتقول عليا مغرور
 
ببساطة لإنك لو في أي لحظة ظنيت إنك وصلت للكمال أو المثالية في شئ معين … فده قمة الغرور لإنه ببساطة مستحيل
 
دايما هيكون في أحسن … مافيش حاجة هتكون كاملة من أول مرة … ولا حتى بعد ألف مرة … طول الوقت في الأفضل.
 
فلازم تبدأ بأحسن حاجة عندك وبعدين تحسن مع الوقت.
 
2️⃣ الثقة بالنفس
 
إنت مش واثق في نفسك كفاية إنك هتقدر تنجح أو تقدم حاجة كويسة.
 
أو قلقان من رد فعل الناس وإنهم مايعجبهمش اللي إنت بتقدمه … وهكذا.
 
وده بيخليك عاوز تتعلم أكتر وتكسب خبرة أكبر قبل ما تبدأ.
 
بس خليني أبشرك إنك كل ما هتتعلم أكتر، كل ما هتكتشف إنك مش جاهز أكتر وإن في حاجات كتييير جدا تانية محتاج تتعلمها.
 
وفي الغالب إنت بيبقى عندك علم وخبرة كافية جدا جدا إنك تقدم حل محترم للناس، ومش محتاج أي حاجة إضافية علشان تبدأ فورا.
 
في البزنس المقياس الوحيد اللي يحدد إنك جاهز أو لأ هو إجابة السؤال ده:
 
"هل عندك القدرة على حل المشكلة؟"
 
زي ما ذكرنا كتير … الشهادات والخبرة والعلم وكل ده مالوش قيمة في البزنس.
 
الناس مش بتشتري الحاجات دي.
 
الناس بتشتري حلول لمشاكلها
 
وبالتالي مش مهم خبرتك قد إيه … أو شهاداتك منين..
 
المهم الخبرة والعلم والشهادات دي قادرين يخلوا عندك القدرة على تقديم حل مميز لمشكلة مزمنة عند الناس ولا لأ.
 
لو تقدر تقدم حل مميز … إنطلق … وبعدين أكيد هتطور الحل ده مع الوقت ومع زيادة علمك وخبرتك في المجال.
 
مثلا برنامج
Passion To Profit
 
اللي بدأته في ٢٠١٢ حاجة والبرنامج اللي بيتقدم انهاردة حاجة تانية خالص!
 
ولكن في النهاية البرنامج اللي بدأ بشكل بسيط في ٢٠١٢ كان فيه المقومات اللي تساعد اللي حضر وقتها إنه يحول شغفه لبزنس ناجح.
 
وبالفعل من وقتها لحد انهاردة قصص النجاح بتتوالى سنة ورا سنة.
 
لكن بالتأكيد البرنامج تطور بشكل كبير وإنهاردة بنحتفل بقصة نجاح جديدة كل أسبوع!
 
الخلاصة …
 
إنت جاهز تبدأ بزنس أول ما تكون جاهز تحل مشكلة عند مجموعة من الناس.
 
إبدأ وما تأخرش خيرك عن الناس!
 
اضغط هنا و شوف فيديو مجاني على الموقع عن إزاي تكتشف شغفك وتحوله لبزنس ناجح.
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.