إزاي ألاقي فكرة مشروع مناسبة؟

articles Apr 05, 2022
السر …
 
الفكرة موجودة في السوق مش في دماغك!
 
خليني أوضحلك.
 
أنا عندي فلسفة خاصة في تأسيس المشاريع بتتلخص في الآتي:
 
"بيع للناس اللي هم عاوزين يشتروه مش اللي إنت عاوز تبيعه"
 
معظم أصحاب المشاريع بيقعد يفكر ويتحمس جدا لفكرته ولما ينفذها مايلاقيش قبول من الناس ويبذل مجهود رهيب في محاولة إقناعهم ولكن للأسف بدون فايدة.
 
أغلب الدراسات الخاصة بأسباب فشل المشاريع الناشئة بتؤكد إن السبب الرئيسي لفشل المشاريع هو عدم وجود احتياج كافي في السوق.
 
وبالتالي فكرة المشروع بتيجي من السوق نفسه واحتياجاته مش مجرد فكرة في دماغك اتحمستلها وظنيت إن الناس هتطير من السعادة لما تقدمهالهم.
 
أو ظنيت إنك هتقدر تخلق احتياج ليها في السوق.
 
و موضوع خلق الاحتياج ده معركة خسرانة ممكن نتكلم عنها في مقالة تانية.
 
المهم في
Passion To Profit System
 
التوقيت اللي بتحدد فيه فكرة مشروعك بيكون بعد خطوتين مهمين.
 
١. الشغف
 
لإن ده المجال أو السوق اللي هتبدأ فيه البزنس بتاعك.
 
٢. الممارسة
 
ودي المرحلة اللي بتبدأ تمارس شغفك وتستكشف السوق
 
وتعرف الناس بتشتري إيه … ومشاكلها إيه … ومين الناس المشهورة في المجال ... وإيه المنتجات والخدمات اللي عليها إقبال كبير ... وإيه المواضيع المهمة اللي بتشد الناس وشاغلة بالهم … إلخ.
 
بعد كدة في الخطوة التالتة بتجمع كل المعلومات والأفكار اللي شوفتها وبناءا عليها بتشوف مشكلة أو فراغ في السوق تقدر إنت تتميز فيه من خلال البزنس بتاعك.
 
لإن في النهاية البزنس عبارة عن إنك بتبيع حاجة لناس محتاجاها مقابل ربح.
 
مجرد ما تلاقي إشارات في السوق لنقص أو احتياج معين بتكون دي فرصة ممتازة لتأسيس بزنس ناجح بيسد الإحتياج ده.
 
افتكر بداية البزنس مش الفكرة … بداية البزنس هو السوق.
 
ابحث عن الفكرة في السوق مش في دماغك!
 
لو عاوز تعرف تفاصيل أكتر عن
Passion To Profit System
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.