إزاي أدرس السوق كويس؟

articles Apr 19, 2022
أهم حاجة في دراسة أي سوق هو إنك تبحث عن حاجتين:
 
١. المشترين
 
معظم الناس بتفترض الشخص اللي هي عاوزة تبيعله.
 
وترسم مواصفاته وتسميه أسماء زي customer persona
 
بس في الحقيقة ده مجرد افتراض!
 
لكن هل إنت اتأكدت إن الشريحة اللي بالمواصفات اللي إنت حددتها دي بتشتري بالفعل؟
 
ولو بتشتري بتشتري إيه؟ … و ليه؟ … بتشتري من مين؟ … وإيه المشاكل اللي مازالت عندهم حاليا؟
 
لما يكون في قوة شرائية ده أكبر دليل إن في رغبة واحتياج حقيقي عند الناس إنهم يحلوا مشكلة معينة
دورك إنك تقدملهم بديل متميز
 
إنما إنك تتحمس لفكرتك وتقول مش مهم لو مافيش احتياج ... أنا هخلق الإحتياج ... يبقى دي معركة غالبا خسرانة
 
٢. المنافسين
 
المنافسين نوعين
 
منافس مباشر بيبيع نفس نوع المنتج اللي إنت بتبيعه
 
يعني مثلا إنت بتبيع نظام غذائي لخسارة الوزن وهو كمان بيبيع نظام غذائي.
 
ممكن كل واحد فيكم بيبيع نظام مختلف باسلوبه الخاص ولكن في النهاية إنتم الإتنين بتبيعوا نفس الحاجة
 
وفي منافس غير مباشر بيبيع منتج مختلف بس لنفس المشكلة اللي عند العميل المستهدف.
 
يعني مثلا إنت بتبيع نظام غذائي والمنافس بيبيع أقراص للتخسيس.
 
لازم تكون على دراية بالإتنين علشان لما تصمم المنتج بتاعك تكون عارف إيه نقط قوته ووضعه بين الحلول الأخرى المتاحة لعميلك المستهدف.
 
لما تكون عارف منافسينك هتقدر تساعد عميلك إنه يختارك إنت من خلال إظهار نقاط تميزك وتفوقك على المنافسين.
 
٥٠٪ من برنامج
 
Passion To Profit Accelerator Program
 
بيركز على خطوات عملية لدراسة السوق كويس … بس بطريقة فريدة بتحافظ على الإستمتاع بشغفك.
 
لإن أفكار المشاريع الناجحة بتيجي من السوق نفسه مش من دماغ صاحب البزنس.
 
مشاريع كتير فشلت لإن صاحب البزنس كان متحمس لفكرة مالهاش أي طلب في السوق وهو كان بيبذل مجهود رهيب في محاولة إقناع الناس وفرض منتجه على سوق مش محتاجه …
 
دلوقتي تقدر تشوف فيديو مجاني عن إزاي تكتشف شغفك وتحوله لبزنس ناجح في خلال ٩٠ ساعة فقط على الموقع
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.