إزاي يبقى عندي خبرة ومعرفة كافية في المجال اللي هبدأ فيه بزنس؟

articles Apr 24, 2022
الخبرة نوعين...
 
خبرة سوق ... وخبرة مجال
 
خبرة السوق ضرورية جدا وهي إنك تبقى عارف كويس العميل بتاعك مين ومحتاج إيه ومشاكله إيه ومين المنافسين … إلخ
 
ودي بنعلمك إزاي تكتسبها بأكتر من طريقة في
 
Passion To Profit Accelerator Program
 
زي مثلا حاجة بسميها
 
The Bestseller Technique
 
دي طريقة بتقدر بيها تعرف المنتجات الأكثر مبيعا في السوق وتحلل مزاياها وفرص التحسين فيها.
 
أما خبرة المجال عندك فيها طريقين...
 
إنك تكون المنتِج أو المنتَج
 
المنتِج يعني إنت بتكون عندك علم بأساسيات المجال … وده شئ بديهي لو ده مجال شغفك ... لإنك أكيد علطول مطلع ومتابع كل جديد.
 
ولكن في البزنس بتعتمد في تقديم الحل بتاعك للعميل على التعاون مع ناس أصحاب خبرة عميقة في المجال … عندهم
القدرة على تقديم خدمة أو منتج بالمواصفات والرؤية اللي إنت بتحطها.
 
ده اللي أنا عملته في
 
Chess Your Child
 
أنا بحب الشطرنج جدا بس مش لاعب محترف.
 
ولذلك تعاونت مع أكبر مؤسسة لتعليم الشطرنج في العالم واستخدمنا منهجهم في تعليم أولادنا وكمان تعاونت مع مدربين عندهم خبرة كبيرة في التعامل مع الأطفال وتطوير شخصيتهم.
 
ومن خلال الشراكات دي أصبحنا أول وأكبر أكاديمية في مصر متخصصة في تعليم الشطرنج للأطفال كوسيلة لتنمية وتطوير شخصيتهم.
 
الطريق التاني هو إنك تكون المنتَج … يعني إنت عاوز بنفسك إنك تصنع المنتج أو تقدم الخدمة للعميل …
 
وهنا لازم تدرس على إيدين أحسن ناس في العالم وممكن تبحث عن شهادات معتمدة في مجالك … أو تستفيد بسنين الخبرة اللي اكتسبتها في ممارسة مجال شغفك سواء كهواية أو بحكم وظيفتك الحالية.
 
والهدف هنا هو إنك تقدر تصمم منتج أو خدمة بطريقة مميزة تساعد عميلك إنه يحل مشكلته أو يحقق هدفه بطريقة أفضل.
 
لو عاوز تكتشف شغفك وتحوله لبزنس ناجح في أقل من ٩٠ ساعة، شوف الفيديو على الموقع
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.