إيه هو الوقت المناسب اللي أبدأ فيه بزنس؟

articles May 08, 2022
فكرة "الوقت المناسب" في حد ذاتها وهم كبير.
 
الوقت المناسب إني أخس
 
الوقت المناسب إني أتجوز
 
الوقت المناسب إني أخلف
 
الوقت المناسب إني أدور علي وظيفة تانية
 
الوقت المناسب إني أطلب ترقية … إلخ إلخ.
 
إنت مستني إذن مين علشان تحقق أحلامك؟!!
 
الوقت المناسب هو لما تكون عاوز تعمل كدة.
 
لما يكون عندك الدوافع الكافية اللي تخلي الأمر اللي إنت عاوزه أولوية قصوى في حياتك.
 
وحسب وضعك الحالي بتبدأ الرحلة … لإن أي حاجة مش هتحصل في يوم وليلة.
 
هتبدأ تشوف إنت محتاج إيه وناقصك إيه وتتعلم وتحضر وتوفر الموارد وتبدأ تاخد كل يوم خطوة تجاه هدفك.
 
أنا عارف الناس بتسأل السؤال ده في البزنس علشان دايما شايفة إن ظروف السوق مش مناسبة.
 
أنا مش هقولك كلام نظري …
 
أنا شركتين من الـ ٣ اللي أسستهم بدأتهم في وقت كل الناس كانت خايفة من مجرد التفكير إنها تبدأ بزنس.
 
أول مرة كانت في يناير ٢٠١٢ … بعد الثورة بسنة … ووقتها كمان استقلت من وظيفة آمنة ومستقرة جدا في شركة
 
Multinational
 
وتاني مرة في يونيو ٢٠٢٠ في عز أزمة كورونا !!
 
الوقت المناسب إنت بتحضرله مش هو اللي بييجي لوحده.
 
إنت بتعزم الأمر وتاخد أول خطوة وتعمل كل ترتيباتك و إحتياطاتك وده اللي بنأكد عليه دايما في
 
Passion To Profit Accelerator Program
 
لإننا متخصصين في بناء البزنس باسلوب خاص يتسم بأقل درجة مخاطرة وأعلى درجة استمتاع.
 
تقدر تبدأ البزنس بتاعك بشكل صغير جنب الوظيفة علشان ماتخسرش أي حاجة ومايكونش في مخاطرة كبيرة.
 
أما بالنسبة للمؤشرات اللي تقول إنك دلوقتي جاهز تستقيل من الوظيفة وتتفرغ للبزنس بتاعك هو:
 
١. إنك تكون محوش مبلغ يكفي مصاريفك الشخصية لمدة ٦ شهور على الأقل.
 
٢. ويكون الطلب على المنتجات/الخدمات اللي بتقدمها ثابت أو متزايد في آخر ٦ شهور على الأقل.
 
لو الشرطين دول متوفرين تقدر تستقيل وتتفرغ للبزنس بتاعك.
 
لكن تقدر في أي وقت تبدأ بزنس طالما عندك الدوافع الكافية.
 
لمزيد من التفاصيل عن إزاي تكتشف شغفك وتحوله لبزنس ناجح، شوف الفيديو على الموقع
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.