إزاي تخلق ميزة تنافسية للبزنس بتاعك؟

articles Nov 10, 2021

أولا الميزة التنافسية شئ إختياري مش إجباري.

يعني ممكن يكون عندك بزنس وتكون بتعمل زي المنافسين بالظبط وتنجح وتكبر.

بس لازم تاخد بالك من نقطتين مهمين جدا قبل ما تقرر تعمل كدة:

1️⃣ عدم وجود ميزة تنافسية ممكن في حالة وجود سوق وطلب كبير جدا أكتر من المعروض. في الحالة دي ممكن عادي يبقى في أكتر من حد بيقدم نفس الحاجة والكل بيكسب كويس.

2️⃣ لو الطلب أقل من المعروض يبقى لازم تعرف إن اللي هيفوز في النهاية هو الشخص اللي ظاهر أكتر. … أو بشكل آخر … الشخص اللي عنده موارد أكتر تساعده على الظهور والإنتشار.

الموارد دي يا إما علاقات أقوى وأكتر … أو فلوس أكتر تساعد في الدعايا والإنتشار.

وبالتالي لو إنت بزنس صغير ومش متوافر معاك موارد كفاية تساعدك على الظهور … يبقى لازم يكون عندك ميزة تنافسية.

الميزة التنافسية هتخليك تجذب الإنتباه بسهولة وتخلي الناس تعرفك أسرع.

الميزة دي هتيجي من حاجتين:

1️⃣ التخصص

في البداية محتاج تتخصص في حاجة واحدة بس وتكون بتستهدف شريحة واحدة بس هتشوف قيمة كبيرة في التخصص ده.

لما بدأت شركتي الثالثة
30YRS
دي شركة

Digital Advertising

قررنا نتخصص في إعلانات الفيسبوك فقط ونخدم المشاريع الصغيرة اللي بتبيع منتجات أونلاين.
(i.e. e-commerce)

2️⃣ الإختلاف

بعد التخصص لازم تقدم عرض مختلف مش موجود عند المنافسين وصعب تقليده … على الأقل في البداية.

مش لازم تكون أحسن من المنافس.

يكفي إنك تكون بتقدم حاجة جديدة عميلك المستهدف هيقدرها جدا.

من أكبر الغلطات اللي بشوفها إنك تعتقد إن الإختلاف بيحصل لإن كل شخص هيقدم الحاجة بروحه وشخصيته الخاصة.

دي خدعة كبيرة … لإن العميل المستهدف يهمه في الآخر يجاوب بوضوح على سؤال

"ليه أشتري منك إنت مش من حد تاني؟"

والله لو شخصيتك وروحك هتؤدي في النهاية لميزة تنافسية واضحة هتقدر تذكرها وتخلي عميلك يشوفها بوضوح ماشي.

لكن في أغلب الأحيان إنت بتكون بتقدم نفس الحاجة بالظبط وبتعتمد على فكرة إن كل واحد هيقدم الحاجة بالـflavor الخاص بيه!!

استكمالا لمثال
30YRS

إحنا أول
Digital Advertising Agency
بتقدم سياسة استرجاع كامل لفلوسك لو ما قدرناش نحقق مبيعات أكتر من اللي كنت بتحققها من اعلاناتك السابقة.

ده بالإضافة لابتكار طريقة متقدمة لعمل الإعلانات اسمها
The Big Ad Formula®

باختصار …

الميزة التنافسية هي الحل الوحيد علشان تظهر وتنتشر بسرعة بأقل تكلفة.

أضغط هنا لو عاوز تعرف إزاي تعمل نظام تسويق للبزنس بتاعك بيجذب ليك عملاء جدد بشكل مستمر

 

 

Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.