أنا بمل بسرعة من أي حاجة وده مخليني مش عارف شغفي؟

articles Nov 16, 2021
المشكلة دي متكررة جدا …
 
بس أحب أطمنك إنها مش السبب إنك مش عارف شغفك
 
لإنك ممكن تمل حتى لو ده شغفك عادي جدا
ناس كتير بتظن إن الشغف مش بيصاحبه ملل وده اعتقاد خاطئ
 
الملل بييجي من تكرار الشئ بنفس الطريقة على فترة زمنية طويلة بدون نمو أو تطوير أو هدف
 
يعني لو بتمارس شغفك بنفس الطريقة من غير هدف إنك تطوره وتوصل بيه لحاجة … بعد شوية هتمل منه عادي زى أي حاجة تانية في الدنيا.
 
علشان كدة دايما بنقول إن الشغف لازم يكون مقترن بالربح
 
لإن لما تحول شغفك لعمل يفيد الناس … أو لسعي لتحقيق حلم كبير في المجال … أو لمشروع خاص … الشغف بيكون مرتبط برسالة وبتكون دايما حريص إنك تنمو وتتطور.
 
وبيكون الموضوع أكبر من مجرد ممارسة هواية للمتعة الشخصية فقط.
 
هنا الشغف بيكمل ويستمر.
 
إرتباط الشغف بهدف ورسالة هو الشئ اللي بيخليك دايما في حالة حماس وتجدد مستمرة.
 
طبعا لا شك إن ممكن يكون حالة الملل المستمرة دي نوع من أنواع الإكتئاب اللي محتاجة متخصص نفسي يساعدك تتغلب عليها … والله أعلم.
 
الخلاصة إن الملل مش دليل إن ده مش شغفك …
 
طالما كنت في وقت من الأوقات طاير من السعادة وإنت بتمارس الشئ ده
 
و كنت فعلا بتحب المجال ده جدا بس حصل فتور مع الوقت وإنشغال بأمور الحياة …
 
يبقى المشكلة كانت في التكرار أو الممارسة بدون هدف
 
اضغط هنا و شوف فيديو مجاني على الموقع عن إزاي تكتشف شغفك وتحوله لبزنس ناجح.
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.