إزاي أبدأ بزنس من غير ما أخسر مصدر دخلي الحالي من الوظيفة؟

articles Nov 23, 2021
في ٣ عقبات أساسية بتخلي الشخص مش عارف يبدأ بزنس جنب وظيفته الحالية:
 
1️⃣ الحجم
 
فكرة "ابدأ كبير علشان تفضل كبير" …
 
ولكن في الحقيقة إحنا محتاجين نتعلم فن البدايات الصغيرة والنهايات الكبيرة
 
وعلشان نتعلم ده لازم نقرا التاريخ
 
إقرا قصص أساطير البزنس اللي بتحترمهم وتقدرهم وشوف بداياتهم عاملة إزاي.
 
أنا عارف موضوع البدايات الصغيرة ده مش بيبقى مقنع لناس كتير بالذات اللي في مناصب كبيرة في شركات كبيرة
بيبقى شايف إن عيب في حقه إنه يعمل مشروع صغير بعد كل سنين الخبرة دي وإنه لازم يتفرغ ويفتح مشروع بحجم خبرته الطويلة ومكانته الإجتماعية الحالية.
 
أو الناس اللي مرتبها كبير وشايفين إن البزنس الصغير مش هيسد الاحتياجات بتاعتهم.
 
بس أنا بفكرك إنت بتبدأ صغير علشان بتبدأ جنب الشغل ومش عاوز تخاطر وتسيبه غير لما تتأكد من نجاح وصدى مشروعك في السوق.
 
فالبداية الصغيرة مش عيب في حقك … هي مجرد خطوة علشان تقلل المخاطرة وتبني المهارات والقدرات اللازمة لمرحلة التفرغ الكامل لمشروعك.
 
2️⃣ الوقت
 
في البزنس إنت تقدر تتحكم في معدل الشغل.
 
يعني مش لازم تقبل بمشاريع كبيرة أو عدد عملاء فوق قدرتك على استيعابهم.
 
بالعكس إن يكون عليك إقبال كبير وتضع الناس على قائمة انتظار افضل بكتير من إنك تقبل بشغل فوق طاقتك يخليك مضغوط ومش عارف لا تركز في وظيفتك ولا في البزنس بتاعك.
 
أما بخصوص الوقت اللازم لتأسيس البزنس فدي سيبها علينا
 
في برنامج
 
Passion To Profit Accelerator Program
 
إحنا صممناه في صورة خطوات ممنهجة ومرتبة مش هتتطلب منك أكتر من نص ساعة شغل كل يوم وفي نهاية ٦ شهور (أو ٩٠ ساعة) بيكون البزنس بتاعك قائم بالفعل وقادر تديره جنب وظيفتك.
 
وكمان بنقدملك ضمن البرنامج كورس مجاني إسمه
 
More Time
 
بنقدملك فيه منهج جديد تماما أوعدك إنك هتكون بتسمعه لأول مرة عن إزاي تدير وقتك وتحقق في ساعة اللي بقالك سنين مش عارف تحققه.
 
3️⃣ التفرغ
 
في ناس لحد انهاردة عندها اعتقاد إن البزنس علشان يتنجح لازم تفرغ.
 
مما لا شك فيه إن بعض الأفكار زي إنك تفتح مطعم مثلا بتحتاج صاحب العمل يكون موجود بنفسه في البداية لحد ما يقدر يسلم الإدارة لحد ثقة.
 
لكن الفكرة كلها إنت إيه اللي جابرك تنفذ الفكرة الصعبة دي بالذات ... خصوصا إنك عارف إن مش هتقدر تتفرغ لإدارة البزنس ده بنفسك دلوقتي؟
 
الأفكار لا حصر لها.
 
اختار الفكرة المناسبة ليك … وابدأ بدايات صغيرة وبسيطة لغاية ما تقدر تنفذ الفكرة الكبيرة بشكلها المثالي اللي بتحلم بيه.
 
المشروع صحيح هيبدأ صغير والدخل مش هيكفي التزاماتك … لكن إنت لسة في الوظيفة ما سيبتهاش.
 
ولما تاخد قرار انك تسيب الوظيفة هيكون عندك مشروع له مؤشرات أداء تقدر بناء عليها تبني خطة وتصور واقعي لمعدل نمو الدخل في حالة التفرغ هيكون عامل إزاي.
 
هنا الخطة مبنية على أداء واقعي علي الأرض مش زي دراسات الجدوى اللي بتكون مبنية على تصورات كلها فرضية … مش واقعية عن تجربة.
 
لو بدأت تركز في مبدأ "البدايات الصغيرة و النهايات الكبيرة" هتقدر تحقق أحلام كتير مدفونة بقالها سنين علشان إنت عاوز تنفذها في خطوة واحدة.
 
اضغط هنا و شوف فيديو مجاني على الموقع عن إزاي تكتشف شغفك وتحوله لبزنس ناجح.
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.