منظور جديد لريادة الأعمال

articles May 30, 2021

 

رحلة تحويل شغفي لبزنس ناجح بدأت من ٢٠٠٣

 

رحلة ممتعة شوفت من خلالها ريادة الأعمال بمنظور مختلف … منظور خلاني مؤمن تماما إن ريادة الأعمال شئ ممتع وبسيط على عكس الصورة المخيفة اللي عند معظم الناس

 

لما أي حد يفكر يبدأ بزنس أول حاجات بتيجي على باله هو المخاطرة … الفشل … الصعوبات… إلخ

 

الكل بيبقى عاوز يبدأ بزنس علشان الحرية والإنجاز والتحكم في حياته … لكن دايما بتسمع من الناس اللي جربت صورة تانية خالص

"وبتيجي الرسالة والتحذير في صورة "هو ده الواقع وأي حد يقولك غير كدة يبقى بيضحك عليك

 

طيب إزاي أنا شوفت البزنس بمنظور مختلف … وليه تجربتي كانت مختلفة تماما عن التجارب التقليدية ... الناجح منها والفاشل؟

 

أنا عانيت في طفولتي من الحساسية الصدرية

 

واللي خلتني حذر جدا من أي أنشطة خارجية … علشان أي مجهود زيادة أو تعرض لتيار هواء كان بينتج عنه أزمة صدرية … بقعد أحيانا شهور بعاني من آثارها

 

علشان كدة قضيت معظم طفولتي في البيت … وبطبيعة الحال أصبحت بفكر بحذر شديد وطبعا بقيت في قمة الإنطوائية

 

ولما اكتشفت شغفي في آخر سنة في الكلية بدأت رحلة تحدي لمدة ٩ سنين … لغاية ما لاقيت الشجاعة الكافية والطريقة الآمنة اللي من خلالها قدرت أحول شغفي لمشروع ناجح وأسيب شغلي

 

لما دايما تسمع إن رائد الأعمال الناجح لازم يكون جرئ وبيحب المخاطرة وصاحب رؤية ثاقبة وغيرها من الصفات الأسطورية 

 

… وبعدين تلاقي نفسك ماعندكش أي صفة من دول أكيد هتصاب بإحباط شديد … و تحس إن ما باليد حيلة … ولازم أقبل بالوظيفة مهما كانت متعبة أو مزعجة بالنسبالي

 

بس أنا كنت دايما حاسس إني متخلقتش علشان أكون موظف ودايما بحلم أسيب بصمة وأثر يغير العالم

 

علشان كدة اتمسكت بحلمي إني أبدأ مشروع خاص في مجال شغفي 

 

الرحلة أخدت ٩ سنين … مش علشان كنت بجرب وأفشل … بالعكس … هي طولت كدة علشان أنا كنت بتحرك بحذر شديد وعاوز ألاقي طريقة آمنة وفعالة … من غير ما أتعرض لفشل يقطم الظهر

 

والحمد لله قدرت أخد الخطوة … وكانت في وقت عجيب جدا … يناير ٢٠١٢ … بعد الثورة المصرية بسنة

 

واللي وقتها الكل اعتبرني مجنون علشان الوقت ده الأمور في البلد ماكنتش مستقرة نهائي وكان عندي بنت عندها سنة إسمها مليكة

 

لكن العجيب إني كنت مطمن تماما ومتأكد إني باخد القرار الصح

 

وفعلا لما شوفت شكل العالم الآخر مابقتش مصدق

 

عالم بتشتغل فيه كل يوم في حاجة بتحبها و بتصنع قيمة بتسعد وتفرق في حياة الناس وكمان شغلك بيتقدر وبتكسب فلوس كويسة جدا بتعيش بيها في المستوي اللي بتتمناه ليك ولأسرتك

 

حاليا أنا على يقين إن أفضل طريق علشان تعيش حياة سعيدة ومرضية هي إنك تحول شغفك لبزنس ناجح 

 

للأسف معظم الناس بتبدأ بزنس بشكل انتحاري … بأفكار جامحة أكبر من قدراتهم الحالية … فبيعيشوا أيام صعبة وبيعرضوا نفسهم لضغط وخطر كبير … وقليل منهم اللي بيقدر يصمد لغاية ما الأمور تستقر

 

الأسلوب الحذر اللي اتعودت عليه من طفولتي خلاني أركز كويس إن كل خطوة تبقى محسوبة كويس وعلى قد قدراتي وإمكانياتي الحالية … علشان أتجنب المخاطرة والفشل

 

ومعاناتي ٩ سنين في شغل مابحبوش خلاني أركز جدا إني أحافظ على الإستمتاع بشغفي وماندفعش ورا نمو متسارع أو قبول شغل لمجرد الفلوس

 

لإني كنت واثق إن أي حد بيشتغل الحاجة اللي بيحبها هيبدع وهيقدم قيمة كبيرة ومميزة هتؤدي لربح كبير مع الوقت

 

علشان كدة ماستعجلتش ومشيت خطوة خطوة

 

انهاردة أنا أسست ٣ شركات ناجحة كل واحدة في مجال أنا بحبه جدا

 

Passion Point

شركة تدريب وتطوير في مجال ريادة الأعمال

 

Chess Your Child 

أول وأكبر أكاديمية في مصر لتعليم الشطرنج للأطفال كوسيلة لتنمية وتطوير شخصيتهم

 

30YRS

شركة إعلانات متخصصة في إعلانات الفيسبوك

 

لما شوفت وجه آخر للحياة كان غايب عني والناس بتخوفني منه لسنين طويلة 

 

… أصبحت رسالتي في الحياة هي مساعدة كل موظف مش مبسوط في شغله إنه يكون رائد أعمال ناجح … وبدأت تحقيق الرسالة دي من ٢٠١٢ لحد انهاردة

 

بحلم أشوف عالم الكل فيه بيشتغل وبيكبر في المجال اللي بيحبه 

 

حاليا في 

Passion Point 

 

إحنا بنحتفل كل أسبوع بقصة نجاح جديدة

 

… بشخص عظيم آمن بحلمه وقرر إنه يحول شغفه لبزنس ناجح 

 

… علشان يسعد نفسه ويكون مصدر خير وإلهام لناس كتير

 

وبتمنى إن في يوم نحتفل بقصة نجاحك معانا

 

علشان كدة بدعوك للتسجيل في 

Free Webinar

هتكلم فيه عن إزاي تكتشف شغفك وتحوله لمشروع ناجح بمنتهى السهولة والأمان

  

اضغط هنا للتسجيل الآن

Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.