أنا بمل بسرعة من أي حاجة وده مخليني مش عارف شغفي؟

articles Nov 16, 2021
المشكلة دي متكررة جدا …
 
بس أحب أطمنك إنها مش السبب إنك مش عارف شغفك
 
لإنك ممكن تمل حتى لو ده شغفك عادي جدا
ناس كتير بتظن إن الشغف مش بيصاحبه ملل وده اعتقاد خاطئ
 
الملل بييجي من تكرار الشئ بنفس الطريقة على فترة زمنية طويلة بدون نمو أو تطوير أو هدف
 
يعني لو بتمارس شغفك بنفس الطريقة من غير هدف إنك تطوره وتوصل بيه لحاجة … بعد شوية هتمل منه عادي زى أي حاجة تانية في الدنيا.
 
علشان كدة دايما بنقول إن الشغف لازم يكون مقترن بالربح
 
لإن لما تحول شغفك لعمل يفيد الناس … أو لسعي لتحقيق حلم كبير في المجال … أو لمشروع خاص … الشغف بيكون مرتبط برسالة وبتكون دايما حريص إنك تنمو وتتطور.
 
وبيكون الموضوع أكبر من مجرد ممارسة هواية للمتعة الشخصية فقط.
 
هنا الشغف بيكمل ويستمر.
 
إرتباط الشغف بهدف ورسالة هو الشئ اللي بيخليك دايما في حالة حماس وتجدد مستمرة.
 
طبعا لا شك إن ممكن يكون حالة الملل المستمرة دي نوع من أنواع الإكتئاب اللي محتاجة متخصص نفسي يساعدك تتغلب عليها … والله أعلم.
...
Continue Reading...

Ahmed Nassar | Success Story

success stories Nov 15, 2021
 
قصة نجاح جديدة 👏👏
 
Ahmed Nassar - Visual Designer & Founder of Be Visual.
 
شوف الفيديو واسمع قصة أحمد اللي قدر بعد 11 سنه خبرة فى مجال الSoftware يحول شغفه لبزنس ناجح .
 
-“يولد الحلم بداخل الشخص القادر على تحقيقه.”  - محمد تهامي

اضغط هنا وشوف فيديو مجاني عن إزاي تكتشف شغفك وتحوله لبزنس ناجح في أقل من ساعة.

Continue Reading...

إزاي تخلق ميزة تنافسية للبزنس بتاعك؟

articles Nov 10, 2021

أولا الميزة التنافسية شئ إختياري مش إجباري.

يعني ممكن يكون عندك بزنس وتكون بتعمل زي المنافسين بالظبط وتنجح وتكبر.

بس لازم تاخد بالك من نقطتين مهمين جدا قبل ما تقرر تعمل كدة:

1️⃣ عدم وجود ميزة تنافسية ممكن في حالة وجود سوق وطلب كبير جدا أكتر من المعروض. في الحالة دي ممكن عادي يبقى في أكتر من حد بيقدم نفس الحاجة والكل بيكسب كويس.

2️⃣ لو الطلب أقل من المعروض يبقى لازم تعرف إن اللي هيفوز في النهاية هو الشخص اللي ظاهر أكتر. … أو بشكل آخر … الشخص اللي عنده موارد أكتر تساعده على الظهور والإنتشار.

الموارد دي يا إما علاقات أقوى وأكتر … أو فلوس أكتر تساعد في الدعايا والإنتشار.

وبالتالي لو إنت بزنس صغير ومش متوافر معاك موارد كفاية تساعدك على الظهور … يبقى لازم يكون عندك ميزة تنافسية.

الميزة التنافسية هتخليك تجذب الإنتباه بسهولة وتخلي الناس تعرفك أسرع.

الميزة دي هتيجي من حاجتين:

1️⃣ التخصص

في البداية محتاج تتخصص في حاجة واحدة بس وتكون بتستهدف شريحة واحدة بس هتشوف قيمة كبيرة في التخصص ده.

لما بدأت شركتي الثالثة
30YRS
دي شركة

Digital Advertising

قررنا نتخصص في إعلانات الفيسبوك فقط ونخدم...

Continue Reading...

إزاي أستفيد من العلم والخبرة اللي عندي في فكرة مشروع مميزة؟

articles Nov 09, 2021
السؤال ده جميل أوي 🙂
 
الأول هقولك مفاجأة …
 
وبعدين هقولك على الإجابة في سطر واحد من كلمات!
 
المفاجأة …
 
في البزنس "كم" العلم أو "كم" الخبرة مالوش أي قيمة.
 
العميل عمره ما بيشتري منك علشان إنت عالم أو خبير.
 
أمال العميل بيشتري من مين وليه؟
 
هنا نجاوب على السؤال…
 
"حل بيهم مشكلة"
 
أيا كان كم الخبرة أو العلم اللي عندك مالهومش أي قيمة في البزنس من غير ما تحل بيهم مشكلة بيعاني منها عميلك المستهدف.
 
إسأل نفسك … إزاي أوظف الخبرة والعلم اللي عندي في حل مشكلة بشكل مختلف.
 
سواء بتحل مشكلة ماحدش حاول يحلها قبل كدة أو ...
 
بتحل مشكلة بطريقة أفضل من الحلول الموجودة حاليا.
 
الفكرة كلها إنك إنت كرائد أعمال دورك إنك تحل المشكلة أو تقدم حل يسد رغبات وإحتياجات فئة معينة من الناس.
مش لازم إنت اللي يكون عندك كل العلم والخبرة…
 
تقدر تتعاون مع أصحاب العلم والخبرة وتوظفهم في فكرة مبتكرة إنت اللي رسمت صورتها
 
علشان كدة بقول دايما إنك في البزنس...
Continue Reading...

٣ عناصر لزيادة قدرتك على الإقناع والبيع

articles Nov 03, 2021
لما تيجي تعرض أي منتج أو خدمة بتقدمها لعميلك المستهدف لازم تظهر حاجات:
 
1- المشكلة
 
وضح المشكلة اللي إنت بتحلها بدقة واستخدم نفس لغة العميل وطريقة توصيفه ليها.
 
2- الحل
 
وضح إزاي المنتج بتاعك بيحل المشكلة دي وميزته عن البدائل الأخرى
 
3- الدليل
 
وضح بالدليل إزاي المنتج بتاعك هيحقق الوعد اللي بتوعده … سواء باستخدام قصص لعملاء سابقين … أو عرض سابقة أعمالك … أو شهادات معتمدة تثبت كفاءة المنتج … إلخ.
 
لو غاب أي عنصر من العناصر دي في عرضك للمنتج بتاعك قدرتك على الإقناع هتقل، وبالتالي مبيعاتك هتقل.
 
اضغط هنا لمزيد من التفاصيل عن إزاي تعمل نظام تسويق يجذب ليك عملاء جدد بشكل مستمر
Continue Reading...

إزاي أتغلب على إحساس إني مش جاهز ولسة ناقصني كتير؟

articles Nov 02, 2021
المشكلة في الحالة دي حاجة من اتنين:
 
1️⃣ عقدة الكمال
 
إنت عاوز كل حاجة تكون مثالية ومافيهاش غلطة … وبالتالي بتتأخر كتير وبتسوف كتير وفي أغلب الأحيان مش بتعمل أي حاجة خالص.
 
أنا دايما بحذر اللي بيقع في الفخ ده وبقوله "خلي بالك … لو بتسعى للكمال فإنت مغرور جدا!!"
 
بلاقي العين برقت وفي حالة استغراب كبيرة.
 
لإن الكلمة غير متوقعة … ليه بتقول عليا مغرور
 
ببساطة لإنك لو في أي لحظة ظنيت إنك وصلت للكمال أو المثالية في شئ معين … فده قمة الغرور لإنه ببساطة مستحيل
 
دايما هيكون في أحسن … مافيش حاجة هتكون كاملة من أول مرة … ولا حتى بعد ألف مرة … طول الوقت في الأفضل.
 
فلازم تبدأ بأحسن حاجة عندك وبعدين تحسن مع الوقت.
 
2️⃣ الثقة بالنفس
 
إنت مش واثق في نفسك كفاية إنك هتقدر تنجح أو تقدم حاجة كويسة.
 
أو قلقان من رد فعل الناس وإنهم مايعجبهمش اللي إنت بتقدمه … وهكذا.
 
وده بيخليك عاوز تتعلم أكتر وتكسب خبرة أكبر قبل ما تبدأ.
 
بس خليني أبشرك إنك كل ما...
Continue Reading...

Hanan Ramadan | Success Story

success stories Nov 01, 2021
 

  قصة نجاح جديدة

Hanan Ramadan, Health Coach

شوف الفيديو واسمع قصة حنان اللي قدرت تحول شغفها وتجربة مرضها لبزنس ناجح بيغير حياة الناس
-

“يولد الحلم بداخل الشخص القادر على تحقيقه.” - محمد تهامي

اضغط هنا وشوف فيديو مجاني عن إزاي تكتشف شغفك وتحوله لبزنس ناجح في أقل من ساعة

Continue Reading...

الغلطة الشائعة عند استخدام آراء العملاء في التسويق

articles Oct 27, 2021
طبعا أحسن دعايا في الدنيا للبزنس بتاعك هو رأي العملاء
 
لكن في غلطة شائعة … وهي إن بيتم نشر رأي العملاء في االمنتج مش في نتيجة المنتج!
 
أي حاجة بتبيعها وظيفتها إنها تخلي حياة العميل أفضل … بتحل مشكلة … بتلبي رغبة أو احتياج … بتساعده يوصل لهدف معين.
 
المنتج في حد ذاته مالوش قيمة… نتيجة استخدام المنتج هي الأهم مليون مرة.
 
علشان كدة لازم تهتم بإظهار النتيجة اللي وصلها العميل لما اتعامل معاك. لإن ده بيثبت صدق الوعد اللي بتوعده.
 
مثال…
 
"الكورس هايل والشرح منظم واستفدت جدا"
 
أو...
 
"الكورس ده ساعدني أكون مصور محترف والصور بتاعتي دايما بتحصل على جوائز في المعارض اللي بشارك فيها."
 
مثال تاني…
 
"التوصيل كان سريع والخامة ممتازة."
 
أو…
 
"أنا لبست الفستان انهاردة في حفلة خطوبة واحدة صاحبتي واتفاجأت إني كنت حديث الساعة. كل الناس عجبها جدا التصميم والألوان وكانوا فاكرين إني اشتريت الفستان ده من برة مصر. بجد شكرا. فعلا تصميماتكم مختلفة ومافيش...
Continue Reading...

إزاي أتأكد إن في حد هيشتري المنتج أو الخدمة اللي هقدمها؟

articles Oct 26, 2021
 
ببساطة شديدة الإجابة هي:
 
لو كان حاليا بيشتري منتجات أو خدمات مشابهة!
 
صحيح ممكن تعمل إستقصاء وتسأل الناس عن رأيها في فكرة المنتج اللي بتحضرله … بس رأيهم مش هيكون دليل
أكيد إنهم هيشتروا بالفعل.
 
عادي جدا … الناس ممكن تظهر الإنبهار و الحماس أول ما تسمع فكرة المنتج بتاعك.
 
ولكن أول ما تعمل المنتج وتعرضه للبيع معظم الناس اللي سألتها ممكن ماتشتريش ولا تظهر نفس الحماس
 
علشان كدة أكبر ضمان لنجاح منتج أو خدمة هو متابعة سلوك العميل المستهدف والتأكد إن عنده مشكلة فعلا …
 
والدليل الوحيد إنه عنده مشكلة هو إنه يكون بيدفع بالفعل في منتجات وخدمات بتحل المشكلة دي.
 
دورك الرئيسي هنا هو تحويل القوة الشرائية أو جزء منها من المنتجات الحالية للمنتج بتاعك إنت …
 
وده بيتم عن طريق إظهار مزايا مش موجودة عند حد تاني ... وبالتالي العميل يقرر إنه يجرب يشتري منك لإنه شاف عندك حاجة جديدة بتوعده إنها هتحل مشكلته بشكل أفضل.
 
لما بدأت
Chess Your Child
 
كنا أول أكاديمية بتعلم شطرنج للأطفال كوسيلة...
Continue Reading...

Essam Goda | Success Story

success stories Oct 25, 2021
 

قصة نجاح جديدة

Essam Goda, founder of Space Scout
ورئيس الجمعية المصرية لعلوم الفلك

!هل لو شغفك هو الفلك والفضاء ممكن تتخيل إنه يتحول لبزنس ناجح؟

شوف الفيديو واسمع قصة شخص عظيم، ورحلة ملهمة ونجاح مذهل

-

“.يولد الحلم بداخل الشخص القادر على تحقيقه”
محمد تهامي - 


اضغط هنا وشوف فيديو مجاني عن إزاي تكتشف شغفك وتحوله لبزنس ناجح في أقل من ساعة

Continue Reading...
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.